Logo - Archief Eemland

Voor eerste verclaerden sy comparanten uyt rechten lieftde ende matrimonische affectie die d'een d'ander is toedragend d'een d'ander gegeven ende gemaect te hebben gaven ende maecten mits desen die sustrerent ende lijfftocht in ende aen alle heurluyder goederen roerende ende onroerende geenige uytgesondert sulcx d'eerst van hunluyden overlijdende metten doot ruymen ende achterlaten sall, omme alle de selve bijde langstlevende van hun beyde gebruyct ende genoten te worden in rechte lijfftochte ende naer lijtochten rechte ter tijt ende wijlen eselve hem vecander sael offe herhuwelict sal wesen ende langer nyet. Onvermindert ende voerbehoudens welcke lijfftochte. Verclaerende Henrick Huygen mede comparant geprelegateert te hebben ende voeruyt gemaect te hebben prelegateerde ende maeckte voer uyt mits desen Aert Henricxzn sijne oudste soon, ofte soe deselve Aert Henricxzn voer hem comparant compt te overlijden Huych Henricxzn sijn tweede soon offe d'oudste van sijn nage te laten sonen ende bij gebreck van sonen sijne outste nae te laetene dochter een halve hoeve lants met het getimmer ende bepotinge daer op staende gelegen in Asschat sulcx hij comparant 't selve te leen houdende is van de Baromie van Iselsteijn offe van Luttikewede mits daer voer tot behoeve vande gemene boedel uytreyckende de somme van ses hondert carolus guldens a twintich stuivers den gulden ende dat hij oock geen ander vordel uyte roerende goederen sal mogen pretenderen, ende in de voorschreven seshondert carolus gulden mitsgaders in alle sijne andere goederen roerende ende onroerende

gelt, goudt, silver gemunt ende ongemunt, clederen ende clenoden, acten ende crediten, sulcx hij boven schult ende dootschult sal comen achte te laeten daer inne heeft hij comparant voer behoudens de voorschreven lijftochte tot sijne erffgenaemen gestelt ende geeinstitueert stelde ende institueerde mits desen sijnne 's samentlicke echte kinderen die hij nu heeft ende noch sal comen te verwecken gelijckelijck ende in gelijcke portie ende bij afflijvicheyt van eenige derselver hunner echte kinderen in haers anders plaetse met eene handt in te tasten omme alle eselven goederen nae expiratie der voorschreven lijfftochte onder hun allen gelyckelick ende in gelycke portie genoten ende geproffiteert te worden als hun eygen. Alle 't welcke zij beyde comparanten respectivelick verclaren te wesen hun testament, leste ende uyterste wille, willende ende begerende dat alle 't selve nae heure doot volcomelick geobserveert ende achtervolgt sal worden 't sij als testament, codicille gifte maecke onder de levende ofte uytsaecke des doots ofte enigerhande andere favorable dispositie nae recht ende costuyme welk mogende bestaen. Ende off alle solemniteyten nae rechte noden hyer inne nyet volmomende geobserveert in waren, op alles de goedertieren rechte inplorerende versoeckende hyer van als offe well instrumenten in forma, 't welck haer vergonst is. Aldus gedaen ende gepasseert toe Amersfoort ten comptoire mijns notary ten overstaen van mr Adriaen Mol, ende Evert van Butselaer als getuygen werden van gelove hyer toe versocht ende gebeden, die dese mette comparanten ende mij notario 't samen ondertekent hebben, met approbatie vand marginale regelkens voer so veel die sijn aengehaelt.